كلمات لو بكيت


لو بكيت دموع عيني ما تفيد=وان شكيت.. الشكوى فيها مَسَد
كل يوم يذوب في قلبي وريد=اتصبر مير ما عندي جَلَد
نار شوقي لك يذوب لها الحديد=وانتثر دمعي على خدي بدد
دايمٍ يا شوق شوقي لك جديد=وان سألتي العين لك فيها مرد
دمعتي تنبيك عن حبٍ أكيد=غيرها يا روح روحي وش بعد
كان قلبي قبل عرفي لك عنيد=ما يحن ولا رمع غيرك لاحد
لين طوّعته في حبك يا وحيد=والمحب يطيع محبوبه وَحَد
يا حبيبي غير شوفك لا مااريد=دوك طرفي طايلٍ فيه السهد
يا حبيبي فيك يا حلو القصيد=لو كتبت الشعر في غيرك شرد
اتغنى فيك باشواقي نشيد=باصدق اللي قيل من بنت بولد



حقيقـه فعلـك مايطـاق و من يستحق فينا العتـب
وإن كان تنوين الفـراق سهله عليك بـلا سبـب
قليـل احـس بطيبتـك كثيـر مـنـك الـلـوم
لا تتعبينـي وش بـقـى ما ارضى الشقا لـي دوم

مـا بيننـا دار الزعـل ما اظلمك في كل الخطـا
و الجد ابقى من الهـزل والتضحيه اصل العطـا
اشلون ابامشي بطاعتـك وانتـي علـي تقسـيـن
اخـذي قـرار براحتـك ما اسألك زيـن اوشيـن

من كثر خوفـي والألـم ماعاد احس بأي خـوف
سرت الخطا بليل الظلـم عرفت حالك سمع وشوف
ان كان لـي حـقٍ ابيـه وان كان مالـي انسحـب
واللـي تبينـه اتبعـيـه قلبك يبي منهـو يحـب





خالد عبدالرحمن كلمات أخرى