NoMoreLyrics - كلمات قاعدة البيانات من جميع أنواع الفن والموسيقى والكثير من كلمات الصوت
كلمات أم كلثوم   كلمات إسأل روحك
أستعرض الفنان في رسالة   أ   ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ي


English Deutsch Nederland Italiano Türkçe Russian Srpski



كلمات أم كلثوم

ringtone إرسال "إسأل روحك" نغمات لهاتفك النقال ringtone

كلمات إسأل روحك



كلمات: عبد الوهاب محمد
ألحان: محمد الموجي



إسأل روحك .. إسأل قلبك .. قبل ما تسأل إيه غيّرني
أنا غيّرني عذابي في حبك .. بعد ما كان أملي مصبّرني
غدرك بيّ .. أثّر فيّ .. و اتغيّرت شوية شوية
اتغيّرت و مش بإيدية
و بديت أطوي حنيني إليك .. و أكره ضعفي و صبري عليك
و اخترت ابعد .. و عرفت أعند
حتى الهجر قدرت عليه .. شو ف القسوة بتعمل إيه

كنت زمان بلاقيك بحناني .. بحر محبة و بر أمان
كنت باحس ان انت زماني .. يومي و بكرة و بعده كمان
كنت باشوفك بعيون حبي .. و انت بعيد أو و انت بقربي
أقرب من بسمتي لشفايفي .. أقرب من إحساسي لقلبي
بعد الود اللي راعيته لك .. بعد الحب اللي وهبته لك
بعد العمر اللي انا عشته لك .. فيه إيه تاني أقدمه لك؟

أنا مانسيتش الحب و عهده .. و لا أيامه ولا لياليه
أما ان كان ع الحب لوحده .. من غير هجرك أهلا بيه
أنا حيّرني هواك .. و أنا علشان انساك
بابعد عن كل مكان .. رحته و لو مرة معاك
و اهرب من أقرب ناس يعرفوا قصتي وياك
و باغيّر أي كلام بيجيب سيرة لذكراك
وصلتني للحال ده بإيدك .. بعد ما كانت روحي ف إيدك
سِبتك و مفيش حد في عمري .. يشغل عنك قلبي و فكري
سِبتك من غير حتى ما أفكّر .. حأقدر أسيبك أو مش حأقدر

إسأل روحك .. إسأل قلبك .. قبل ده كله اتغيروا ليه
أنا غيرني عذابي ف حبك .. لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح .. إلا ف عزة نفسي و حبي
و اما يفيض بي ما باعرف أصالح .. و أعرف آجي كتير على قلبي

غدرك بيّ .. أثّر فيّ
و اتغيّرت شوية شوية .. اتغيّرت و مش بإيدية
و بديت أطوي حنيني إليك .. و أكره ضعفي و صبري عليك
و اخترت أبعد و عرفت أعند .. حتى الهجر قدرت عليه
و انت يا عيني .. لو في مكاني يا عيني
كنت حتعمل غير كده إيه؟
إسأل روحك



ringtone إرسال "إسأل روحك" نغمات لهاتفك النقال ringtone


أم كلثوم كلمات أخرى

كلمات أم كلثوم       كلمات إسأل روحك



جميع كلمات هي من ممتلكات وحقوق التأليف والنشر أصحابها. جميع كلمات المقدمة للأغراض التعليمية فقط
No More Lyrics .net © 2003-2014