كلمات يلي على البالياللي على البال تطري وانته ماتدري ... وش ذنبه اللي يحبك وانته خليته
وش ذنب قلب رسم لك حبه العذري ... وش ذنب دمع على طاريك هليته
لوكان عمري بديني فدوتك عمري ... لكن عمري بدين اللي ترجيته
انه يرد الزمان اللي على خبري ... واعيش ليلك وحلم كم تمنيته
يوم ان قلبك بصدري وانته في صدري ... طيف سكن بالحشا واثر الحشا بيته
الأيام تجري وعمري بالشقا يجري ... حتى الشقا من ترافقته وحبيته
أصبر على حالتي ويملني صبري ... وأعيش في لوعتي وأقول ياليته
والليل في ناظري ياصاحبي يسري ... والشعر لأجل الهوى جبته وغنيته
وإذا تكلم عذولي قلت له عذري ... إن الهوى يذبح العاشق وأنا جيته
واللي ماتدري إنك كل ماتطري ... يصيح بين الحنايا شي خليته
سلمان حميد كلمات أخرى
