NoMoreLyrics - كلمات قاعدة البيانات من جميع أنواع الفن والموسيقى والكثير من كلمات الصوت
English Deutsch French Nederland Português Italiano Tأ¼rkأ§e Russian Srpski
أستعرض الفنان في رسالة   أ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ي
صفحة البداية >>عبد الحليم حافظ >> نبتدي منين الحكاية

كلمات نبتدي منين الحكاية

لو حكينا يا حبيبي.. نبتدي منين الحكاية؟
احنا قصة حبنا.. ليها اكتر من بداية
عشنا فيها يا ما عشنا..شفنا فيها.. يا ما شفنا
لكن مشينا وكملنا.. مشوار الحب ووصلنا
والدنيا ما قدرت تعاندنا.. وتفرق بينا وتبعدنا
تعالى نقول لغيرنا.. أنا وانت ازاي قدرنا
نبعد عن أي عذاب.. ونعيش على طول أحباب
نحضن فرحتنا سوا.. ونخلي الحب شباب
وقابلنا انا وانت في مشوارنا.. حاجات كتير جرحت غيرنا
الغيرة وظنونها.. واللي بيجرى منها
في يوم ما قربت منا.. بعدها حبنا عنها
وقابلنا الحاسدين وشافونا.. ولا هانش عليهم يفوتونا
وقالوا علينا قالوا يا ما قالوا.. وهوانا ولا اتغير حاله
وتسافر وأسافر.. وأيام يطول السفر
وقلوبنا بتتقابل.. مع كل طلعة قمر
وان جت خطوتنا تغربنا.. حلاوة الشوق بتقربنا
ومنين يجينا الخصام؟.. ومنين يجينا البعاد؟
واحنا بين قلوبنا.. كل لحظة ميعاد
تعالى نقول لغيرنا.. انا وانت إزاي قدرنا
نبعد عن أي عذاب. ونعيش عل طول أحباب
نحضن فرحتنا سوا.. ونخلي الحب شباب
وفي لحظة وقفنا وابتدا خوفنا
ولقينا حوالينا الدنيا ضباب.. وليل وقلب جريح
زي أوراق الشجر وقت الخريف.. رماها الريح
سألنا روحنا ليه ..أكبر من حبنا.. ايه..ايه؟
لكن مطالش الخوف بينا..وعرفنا وشفنا وحسينا

أنت شايف الحب كله عيون.. وهمس لكن أنا شايف
أحلى كلام عشاق يا حبيبي.. هو كلام الشفايف
انت وانت جنبي في كل ميعاد.. بيجمعنا بتروح بعيد ويا التنهيد
وأنا بشوف لقانا هو اثنين سوا.. دايبين في لمسة ايد

بتقولي بخاف نمشي ونبعد.. دا الهوى جبار يلعب بينا
خايف من ايه؟
في اجمل إيه.. من حضن يدفينا
بتقولي شوف القمر ويايا شوف القمر
اللي كل العاشقين.. سهروا الليالي ليه
حلو القمر حلو.. بس أحلى من القمر..لو نخلي عمرنا يوم ندوق الحب فيه
واتبدد خوفنا.. من بعد وقوفنا
وبدقة قلوبنا.. عرفنا ايه الدوا
وعشنا الحب خيال.. وحقيقة سوا

_______________




عبد الحليم حافظ كلمات أخرى




جميع كلمات هي من ممتلكات وحقوق التأليف والنشر أصحابها. جميع كلمات المقدمة للأغراض التعليمية فقط
Copyright © 2003-2016 No More Lyrics .net