كلمات وشفيك ساكت


وشفيك ساكت يا يبه ؟ وين السوالف يا يبه ؟
ضحكتك بالدنيا عندي هونها و المولى كبير
وين الربع ماشوفهم ؟ ما شوف بالنار احطبه
صمتك يعذبني كثير .. يالحر هذا ما يصير
أدري النزاهه كايده و أدري المبادي متعبه
و أدري بخاطرك انكسر من يوم قالولك فقير
ما دمت ما تظلم أحد ولا إنت مطلوب ارقبه
قل يالله الحمد أشكرك يالرازق الفرد القدير
جمعت مالك من تعب يوم غيرك ينهبه
تغار لحد ٍ يجرحك يوم إنه غيرك ما يغير
يا بوي نارك شبها .. عط كل عاني مطلبه
لا تنزعج يا انزه أبو للساعه .. الدنيا بخير
وشفيك ساكت يا يبه ؟ وين السوالف يا يبه ؟
ضحكتك بالدنيا عندي هونها و المولى كبير
لا يا بعد راس ولدك يا من شموخك مكسبه
ما عاد ثوبك رقعتك و ما عاد مجلسك الحصير





علي بن محمد كلمات أخرى