كلمات البرد



ما بقى إلا البرد يلمس فيك شعره
والله إنـّي لاحرقه من نار شوقي
يا حبيبي يا بعد كوني بكبره
لا تخاف البرد ما دمت معشوقي
هج صدري و إنت تلقى القلب جمره
خذ دفاها و إترك البرد لعروقي
إن كفت و إلا خذ من الجوف زفره
يمكن إتدفـّيك و تحس بحروقي
و إن كفت و إلا تعال أسقيك قطره
من دموع ٍ حرّقت بالبعد موقي
و إن كفت و إلا إنت ولـّعني بنظره
أشتعل لك نار من تحتي لفوقي
يا حبيبي يا دفى عمري و سـِتره
وش هواي إن كان ما يستر و يوقي
هاك عمر ٍ ضاع في رجواك عمره
هاك روح ٍ ضيـّعت لجلك حقوقي
إن كفت و إلا إنت أجل ما فيك دبره
شب فيني كلـّي ناري و شوقي





علي عبدالستار كلمات أخرى