كلمات تسمح لي؟؟



تسمح لي أبكي بصدرك وأغسل ألامـي ؟
تسمح لي أمسح دموعي في طرف ليلك ؟
ذَوب حديثك جبال الصمت قدامـي
وإنهـار حتى الكلام .. وصار يبكي لك

ودي أفضفض .. وأسولف لك عن أيامي
عن كل شي جرحني قبل لا أجي لك
خذني بحنانك .. وطف البرد بعظامي
يمكن بحضنك ينام الليل وأحكي لك

خذني .. وذوب بعيني باقي أوهامي
مشتاق دمعي يلامس خد منديلك

وأحط راسي بصدرك .. شوق .. وهيامي
وأترك خفوقٍ تعذب فيك يشكي لك




محمد المازم كلمات أخرى