كلمات السعاده غادرتنيالسعاده غادرتني والمسره
وحالتي صارت من الفرقا عسيره
من هواجيس لها فاليوف حره
ارقت بالقلب اعواق خطيره
احبس الآهات حراقه ومره
لين صارت كل ايامي مريره
المشاعر كبتها يسبب مضره
والحياه اتصير مخطوره وقصيره
اتردد مرتن من بعد مره
ان ابيح بما خفيت فالسريره
لين قلبي حار في كره وفره
من سلب ماخوذ من ظبي الجزيره
نور عيني فالحشا شيد مقره
واستبد وما ترك فرصه لغيره
لو خفيت انكشف سري وسره
يوم بايعته على قلبي اميره
العشير يتاج حبي وفيه ذره
ينتعش الفؤاد من لافح عبيره
المسيره في غرامه مستمره
بارك الله في غرامه والمسيره
ميحد حمد كلمات أخرى
