بت انادم ليلي الساري
لين بان الصبح لي نوره
واشتكي له الى الباري
يجبرليه نفس مجبوره
ونتي منها وعاياري
يوم كلن فلك طوره
وخذ قلبي من الحشى اجباري
ما فضى لي ولا شوره
ليت لي مره ظهر خاري
لي على قلبي بناء سوره
هو جبينن جنه اجماري
بالدجاء واسري على نوره
له الشرف والسيره يداري
غلج ولا طراس مستوره
ما ظهر لظاهر يماري
فوق بالجوزاء بناء قصوره
مثل ناس ايواد الامطاري
من القمر والشمس خذ صوره
في هواه ارمتني اقداري
والقدر مالي عنه دوره
ساس له ما تاحه الذاري
بين عيني دايم حضوره
تاج له رافع على مداري
من جنى الجنه شذع طوره
بو حمد في ضامري واري
شوق والقى الروح مخطوره
