كلمات صحيح انك غالـيصحيح انك معـي غالـي وتملـك قلبـي ووده
صحيح انك امل عمري واحبك حب ماله احـدود
وانته الحب تدري بـه وتعـرف جـزره ومـده
يفوق الوصف والمعنى وشعري والحروف اشهود
ولكـن لـو تمـادى حـد منـا ينقلـب ضـده
وتتغير موازينه ويصبـح شـي هـب موجـود
انـا بقـدر علـى قلبـي مـع الايـام بـارده
بسخر عزمي وصبري وعسى الله يحقق المقصود
ترى ضاقت بي ايامي وصبري قد وصـل حـده
انا مليت من نفسي واخاف انـه الامـل مفقـود
تعب قلبي تعب فكـري تعبـت وطالـت المـده
اطالع ظلمـة مزونـك واتمنـى الربيـع يعـود
اريد ارض المحل تزهـر واقطـف منهـا وردة
واقدمها لجـل عينـك هديـة والسـلام يسـود
اريد السعـد يبقـى لـك حليـف ثابـت وعـده
يضمك يالغلا قلبي وتبقـى فـي هنـا وسعـود
اريـد ايامنـا تضحـك بوقـت الليـن والشـدة
وتتبسـم ليالينـا علـى ورد وروايـح عــود
عسـى ربـي يوفقنـا وبـاب التفرقـة يسـده
وتبقى لي امل عمري واحبك حب مالـه حـدود
ميحد حمد كلمات أخرى
