كلمات يا رسول الخيريا رسول الخير تيزيني بالسّرع قم بلّغ كتابي
بلّغه سيد المزاييني لي عنا صوبي بالجوابي
بوحيايين مجاريني حرف دال خطّ بكتابي
أحوريّ كامل الزّيني قايد الخفرات لكعابي
لي ربا وسط البساتيني دار من يثني التّرحابي
أنت يا سيد المزاييني يالغضي ياولد لانجابي
مرحباَ بك يا نظر عيني عدّ مزن هلّ سكّابي
حبّكم داخل شراييني في العروق وفي الجسم دابي
دايم القفات تضويني مثل برد وثلج لهضابي
ياعقيد اريام وحشيني لي نظرته عقب لغيابي
بو مجاديل مزافيني لي محنّي كفّه اخضابي
والجبين يشّع بالزّيني لي هدب عينه كالحرابي
والمضمّر قبض ليديني قدّ فترين بالحسابي
متعبنّي ماخذ سنيني يتعب العشّاق لعّابي
دمعتي حمرا علي عيني مثل لي موغوف بصبابي
جريها ما حفّ يازيني حفيت عيوني من الدّابي
كنّها النّيران تكويني الصّخر من ونّتي ذابي
ونّتي ونّة مساجيني لي عليهم قطع لرقابي
قد لهم في السّجن عاميني وحان وقت صدور لعقابي
مالهم أوراق تبييني شرعهم يحكم بالغيابي
ذاهل والنّوم ما يجيني لين بان الفجر وانسابي
وان نظرت مكحّل العيني بوهدب زافات وحرابي
بالعيان الدّعج يرميني صاد قلبي صيد نشّابي
وين ياخلي وانا ويني دونكم عيّت بي اركابي
تظلمون الحق وتهيني وانت دارس شرع لكتابي
ليت عقب التّعب تيزيني لو بكلمة مرحب اهلا بي
كلمته تسوى ملاييني لو نطقها ضدّ وعتابي
لو سمعها القاسي يليني ولو مطوّع فرّ لكتابي
مثل حرف العين والشّيني درّ من خلفات لعرابي
ودّله في حايب العيني مسكن له في الحشا رابي
الوعر مابينه وبيني عسر في المرقاه عايا بي
في سهول وفي ملاييني يرتعي في روض لعشابي
ذيّره صوت الرّعاييني وارتفع في شامخ نابي
في ضلوع إجبال ومحيني في علاه ودونه اشعابي
صوبه اقدامي تمشّيني قلبي الماخوذ عايا بي
ميحد حمد كلمات أخرى
