كلمات يا مرحبا مليونيا مرحبا مليون واهلا بك الفين
اهلا عدد ما غرّد الورق بلحونه
يا مرحبا خطّيت مكتوبك على العين
وعنّيت خطّك صوب ناسك يدارونه
شكيت لي ما جاك وابعد بك البين
وشكيت فنّ الهوى للّى يعرفونه
وقّعت لي يا الموّلع بحرف الغين
سلت الفهاما وقالوا ما يعرفونه
ما ريت لك عنوان يا كامل الزين
باطرّش المرسول صوبك يودّونه
السّر ما يعلم به إلاّ قلوب لثنين
وشرع الهوى بالحق لازم تمشّونه
يا ليت لو في منامي شفتكم يا زين
والاّ يكون بدرب دايم تمرّونه
أهل الهوى والعشق في دربهم ماشين
ما ينجبر لنسان ويعكّر اظنونه
الله يا وقت مضى وانقضى أيّام مرّت
وين أيّام عهد الوفا ويقال يا عونه
ان كنت راضي في طريقك وشفته زين
عسنّ قلبك عند ناس يدارونه
يا ذا المعنّى وش خبر طيرك الشّاهين
قنص طيركم والاّ بعدكم ترّبونه
كانه شرى توق الوحش صار له طلعين
ما حيّد الطّلع تمّ يتخايل اظنونه
إن كان طلعه هوب راكد ترفّ العين
يشوف الهدد من البعد غيره يهدّونه
لا تهدّ طيرك وفوق جوّ السّما هنتين
خايف هداده يكسر الحوم من دونه
يا بن خليفه عزوتي يا نظير العين
نداري وندري اللّي بعدهم يدارونه
بالله خبرني وقل لي يا كحيل العين
نفس الفتى في مركز العزّ مصيونه
يا عاذلي في الهوى ما تنصح المخطين
قلب المعنّا يعرّض حدّ مسنونه
أرى الحق أنا لهل الهوى يتبع الجافين
يغفلون ويصدّون عن طالب اديونه
ما دري تعمّد يا عميلي إذا ناسين
عن الحق واهل الحقّ للحقّ يوفونه
أنا ارقب بيانك غبت عنّي ومن حولين
هل كيف يا سيد الّذي فات تنسونه
وش لي حدث وش صار تمشي على خطّين
تمشي على درب الهوى عكس قانونه
تغنّم زمانك واكسبه دام وقتك زين
ترى العمر يفنى مثل زرعٍ يحشونه
تسعد وتهنا بالمحبّه مع الغالين
وتهنا بخلّ سابق الوقت من دونه
نهيت المقال وتمّ بدع المثل يا زين
سلامي لكم ولي بعد به تخصّونه
ميحد حمد كلمات أخرى
