كلمات انويت السفر

صوب دار الخل انويت السفر
القلب مشتاق واحث المسير
بتبعه لو في مهاليك الخطر
والسبب ما بي من الشوق المثير
هام قلبي في هواكم وانجبر
صدقوني كيف اسلا ما يصير
يا حبيبي من مصابي في خطر
وارحم اللي صار في حبك أسير
ما هوى قلبي بعد غيرك بشر
لك حلفت بربي العالي الكبير
لا تعذبني وترويني القهر
ارحم بحبك محبٍ يستجير
انت عندي مثل روحي والنظر
منك عوقي وانت بأحوالي خبير
لو بغيت ايام عمري والدهر
في ودادك انت مالي حد غير
كل ما هبّت نسانيس الفجر
ياب لي الذكرى على جنح الاثير
ما يطاوعني ولا عندي أمر
قلبي المآخوذ ما يقبل شوير
الصبر يا زين سم من ذوق مر
والهوى تلاف للعاشق خطير
شوف حالي من تصاويب القدر
بن خليفه ثيبني وانته خبير


ميحد حمد كلمات أخرى