كلمات ياشوق دويتو ألحان سالم ومعضد الكعبيألحان
يا شوق قلبٍ يشيل الحب وشلونه
عساه بعده على علمي ويطريني
خايف تكون الليالي شدت ضعونه
واقفى ولا عاد يذكر ماضي سنيني
معضد
تسأل عن الحب وانت الحب وشجونه
تدري غرامك سكن داخل شراييني
قطرات دمي بطعم الحب مشحونه
ان قلت بسكت عزايمها تناديني
ألحان
يا شوق ياللي بنيت أبيات موزونه
بنشدك عن ثقل حبي في الموازيني
ما يكفي اني حبيب وقلبك يصونه
ودي تعبر عن حدود الغلا فيني
معضد
والله يا من يحط الكحل بعيونه
ما شافت حدود حبك في الغلا عيني
لاجلك شمولية الاوزان مطعونه
منها تسيل البحور ولا تكفيني
ألحان
والله انا ادري بقلبك يعزف فنونه
وأدري على اوتار دقاته تغنيني
لكن طبيعة دلال بطبع مزيونه
اعرف جوابك واقول اشكثر تغليني
معضد
يا زين تامر وانا باقول لك عونه
لما عنادي عصاك ايطاوعك ليني
واعرف ترى كلمة الاحرار مضمونه
لكن وش اللي ضمن عهد المزاييني
كلمات : علي بن سالم الكعبي و روح القصيدة
ألحان : سعيد الكعبي
البوم نجوم العرب كلمات أخرى
