NoMoreLyrics - lyrics database of all music genres and a lot of soundtrack lyrics
Browse by artist:   A B C D E F G H I J K L M N O P Q R S T U V W X Y Z #
Deutsch Nederland French Italiano Türkçe Russian Arabic Hebrew
Home >> BAP >> Allerletzte Chance
Album: other songs

Allerletzte Chance

Die Band spillt wie'n Hypnose ahnjejazzte Evergreens,
en Lady met nem Strühhoot läht Tarot.
Ne Studienrat uss Lübeck en'ner affjeschneddne Jeans,
baggert ahn der Bardam römm un trick sich zo.

Dä Ventilator drieht sich jraad su schnell, dat mer et sieht,
die Finsterschieve sinn sick Johre blind.
Drusse Wind en Palmeblädder, wie't halt ess, em Paradies,
et ess schwül, mer hätt sich draan jewönnt.

Et ess Mettwochohvend, morje kütt dä nächste Fliejer ahn,
dä uss Lübeck flüsch dann widder noh der Mamm.
Morje fröh öm sechs ess Schicht, dä Koffer hätte schon jepack,
er mäht durch diss Naach, sing allerletzte Chance.

Joe, dä Rasta - Taxifahrer trick abwesend ahn 'nem Spliff,
dealt met allem, wat mer bruch, sujar met Sex.
Sing Connections sinn erstaunlich, och wenn'e jähn övverdriev.
Nur die Bardam hällt nit vill vun dämm Jeschwätz.

Övverhaup - uss Seraphina's Perspektive sieht die Welt
sujar he vollständig unromantisch uss:
All zwei Woche'n Handvoll neue Spinner, die ihr jet verzällt.
Sie kennt jed Manöver, jede blöde Spruch.

Et ess Mettwochohvend, morje kütt dä nächste Fliejer ahn,
dä uss Lübeck flüsch dann widder noh der Mamm.
Morje fröh öm sechs ess Schicht, dä Koffer hätte schon jepack,
er mäht durch diss Naach, sing allerletzte Chance.

"Ich kann waade, wenn nit jetz, dann eben nähx Johr" sähte sich
Er will sie, sick'e se sooch, vüür veezehn Daach.
Sie fängk ahn me'm Affkassiere, dann die Stöhl noch op dä Desch
un die Band pack enn für hück, bess morje Naach.

Et ess Mettwochohvend, morje kütt dä nächste Fliejer ahn,
dä uss Lübeck flüsch dann widder noh der Mamm.
Morje fröh öm sechs ess Schicht, dä Koffer hätte schon jepack,
er mäht durch diss Naach, sing allerletzte Chance.

All lyrics are property and copyright of their owners. All lyrics provided for educational purposes only.
Copyright © 2003-2019 No More Lyrics .net