Album: Perle Per Porci (2002)

Îra

Dòna Îra, äl pió däl vôlt, l'é grénza d pèl,
tanti vôlt la n stà pió in pî tant l'é patêrna,
l'à spass dl'alteraziån int al zarvèl,
ch'la và pó in zairca d gu'i con la lantêrna.
L'à in bis'ca la pistålla, o l'à l curtèl,
ai piès al bgóll, al zûg e la tavêrna,
e s la farêv da Cajén con sô fradèl,
in dóvv raggna al delétt lî la s intêrna.
L'à i ûc' fòra dla tèsta ch'la fà pòra,
la r'bia a la turmänta ed dé e d sîra,
l'é incujêta, l'é susptåu§a, l'é cunfûsa,
la tramma dal convûls ch'al pèr ch'la môra.
L'à sänper al dièvl adòs ch?al la turmänta,
L'é bigliåusa con tótt, l'é preputänta,
Es l'à una f'za acsé brótta ch'la spavänta,
E quand la n s pôl sfughèr, ch'l'èva una lît,
S'la z ûra a un quelcdón, la s môsga un dîd!
E quand la n s pôl sfughèr, ch'l'èva una lît,
S'la z ûra a un quelcdón, la s mósga un dîd!
L'à i ûc' fòra dla tèsta ch'la fà pòra,
la r'bia a la turmänta ed dé e d sîra,
l'é incujêta, l'é susptåusa, l'é cunfûsa,
la tramma dal convûls ch'al pèr ch'la môra.
La vendatta l'é sänper la sô mîra.