Doe blifst mien keukenprinses songteksten

As 'k smorgens om vief uur op stoan mout
Staait joegel al veur mie kloar
Twij plakkies stoet van drij weken old
Mit deurregen spek zowoar
'n Glas zoepen nog noa en ekstroa zuit
"Is goud veur daarms" zegt Stien
Tien scheppies sukker en mor ruien
En dat weg spuilen mit azien



refrain:
Toch zel 'k die noeit willen missen
Al is dien kookkunst gain sukses
Verhongeren zel ik bie die noeit
Doe blifst mien keukenprinses



Smirregs schoft, 'k goa noar hoes
Waarm eten staait veur mie kloar
Eerappels aanbrand, soep te zolt
Gehakbale haalf goar
Drijmoal in week is 't 'n bedie feest
Ik krieg din pudding noa
Mit dreuge proemen en appelstroop
In lietjelaauwe sukkeloa



refrain



Soavends op hoes aan, 'k vroag mie of
Wat mie dommit veur zet wort
Mainsstied is 't een petatje mit 'n
Haalf pond leverworst
'k Goa geleuf ik mor nait eten
Mien daarms stoan nog in n boog
As ik mout boeren komt mie nog aal
't Deurregen spek omhoog



refrain