't Brugje op zieldiek songteksten

'k Was noa laange tied weer t'rug
Bie 't brugje op Zieldiek
Veraanderd is der aiglieks niks
't Landschop nog even riek
De leste moal dat is drij joar heer
Ik wait dat nog hail goud
't Was de mooiste dag van mien leven
Dou ik heur doar heb ontmout



refrain:
Ik denk weer trug aan 't brugje
In tieden as 't minder gaait
'k Goa geliek mie aanders vuilen
Je nuimen zoks wensteghaid
Dat plekje doar in 't Hoge Noorden
Vergeten dat lukt mie nait
'k Loop over 't brugje en zai 't stee
Woar heur noam in leunen staait



Zai kwam op fietse oet Nijlaand
En ik dij dag oet 't Zaand
En midden op 't brugje op Zieldiek
Ston zai mit 'n lekke baand
Zo kwam 'k mit heur dou aan de proat
En 'k heb heur fietse moakt
Koiert soamen 't diekje laangs
En hebben hail mirreg smokt



refrain



Dou 'k heur op 'n dag wol bellen
Kreeg 'k mor gain geheur
Aan heur hoes doar staait nou
'n Vremde noam op deur
't Verleden vergeten dat lukt mie nait
'k Heb heur foto nog aan waand
Zai staait bie 't brugje op Zieldiek
Noast heur fietse mit 'n lekke baand



refrain