De dokter zee songteksten

refrain:
De dokter zee: "Nou is e dood"
Toen hew as kiender nog wat nao-eproot
't Is toch nog gauw egaon
Laow mar hen huus toe gaon
De dokter zee: "Nou is e dood"



Mien zuster Jantie wol de laampe al
't Was een lochter, zoe'n antieke mit kristal
Geert wol de biebel mit het zulvern slot
Ook al gleufd' hij an gien God



Haost iederiene was geweldig drok
Op die mooie, grote, Friese staonde klokk'
En ik wol donders geern de knip mit geld
Want det har ik al eteld



refrain



Mien jongste breur die har zien zin ezet
Op het bolpoot heutenholten kammenet
Het golden brossie en een kan koejak
Zaten al ien een kofferbak



De tillevisie, waor elkien naor snakt'
Har mien zwaoger al zien name opeplakt
Het olde hondtie was een beetie schriel
Mar det gunk naor het asiel



refrain



Het gunk niet goed, der kwaamp al gauw maleur
Nao de groeve gunk het nog een tiedtie deur
Nou ja, bij 't buurthuus is het ofewarkt
Op de grote rommelmarkt



refrain