Het olle laand songteksten

Hier leefde vrouger volk dat met de grond vergruide
Nog niet ontworteld deur genaodeloos beton
Hier stun de juttepeer, die veulbelov'nd bluide
En hung de kruud'nlucht van heui dat men er won



Je heurd'n 's morg'ns al de karre van de bakker
Het mansvolk stun al vroug te vruit'n in het zaand
En damp'nd gung'n zwaore peerd'n over d' akker
In 't olle laand



Hier luip de landweg nog twei deipe karrespoor'n
De haaide gluide en de rogge wor as gold
Hier trok het alledaogse leev'n stug zien voor'n
En muik met holp van zun en wind gezicht'n old



D'r waas gien haost gien achterstand of veursprong
De reeg'n in de haarfst, die kwam van hogerhaand
De meensk'n waar'n nog verbond'n met heur oorsprong
In 't olle laand



Hier zaat'n 's wintersaov'nds meensk'n met 'n kander
Bai 't smeul'nd heerdvuur, nao het aov'ndmaol
In opa's old vertelsel over 't ein en aander
Daor sprak de stilte nog een dudelijke taol



En as de vrouw in 't kraombed laag dan kwam de baoker
Het volk begruif zien dood'n in geduldig zaand
De meensk'n waar'n nog verbond'n met heur maoker
In 't olle laand