A'k toch mu starven songteksten

Geuzinge, de Ronde Hoek
De Hondhaank en de Achtermao
Kaskoelen en 't Aanserbroek
't Trekt mij altied achternao
De Runerweide en Zwartschaop
Det alles komt mij dan ien 't zin
De Vledderties, de Hutte, Hies
Ook as ik wied van Rune bin



't Is niks bezunders, 't is mar klein
Aj vort wilt kuj niet mit de trein
't Is wel een aordig lappie grond
Mar 't stinkt daor ook naor gier en stront



De Louwte en 't Spaarbaankbos
De Benderse en Fluitenbarg
De Meulevledders, Echten, Kraol
Ik mis 't seins toch wel wat arg
Achter de Broekens, Engelaand
En Veur de Blaanken blef vertrouwd
De Waterluzen, Stoefzaand, Nuul
A'k er an deenke krie'k 't benauwd



't Is mar gewoon, 't stelt haost niks veur
't Laand hef de gewone kleur
't Gros is gruun, dus niet van gold
Een boom is ook gewoon van holt



Der is wat vene en wat zaand
Der is wat bos en eerpellaand
En 't is misschien wat gekke proot
Mar 'k gao 't liefst ien Rune dood



En 't is misschien wat gekke proot
Mar 'k gao 't liefst ien Rune dood!