Koning Hay songteksten

Heej het alles meigemakt het 't allemoal gehad
Verhaale over vrouwe met champagne in 'n bad
Zwoare keatels vol met geld juweele en de rest
Zien klok is in dit leave al drie kier rond gewest



Heej scheld op iederien heej vloekt de ganse daag
Goeit kilo's spek met eier en jenever in zien maag
Heej wakt oaver zien eigendom is koning van zien land
Heej giet veur d'n duuvel of vur god ni an de kant



Koning Hay left in zien eige werlt
Heej het zien verhaal al mier dan honderd kier verteld



Heej biet in elk woard heej spijd in elke zin
Zien oege die zien scherp en snijje overaal doorhin
Heej hof genne dokter gen pille of bezeuk
't wuurd allien mar erger van dat medische geneuk



Mar iemand zei dat heej soms daage lang allien mar zoop
Iemand zei dat heej soms van de pien nar boete kroop
Dan wuurd 'ie kwoad en zet 'ie met 't schoem op ziene mond
Als ge iederien geluuft laag ik allang onder de grond



Koning Hay left in zien eige werlt
Heej het zien verhaal al mier dan honderd kier verteld



Heej zwaait nog elke daag zien groete hand hoeg in de lucht
En schrieuwt zien eige meining terwijl niemand d'r um vrugt
Dan leupt 'ie wir wat krommer enne grijns um zienne mond
Zien lief grujt elke daag wat dichter nar de grond