Album: Unbekannt
Anna

Do bess janz für mich do,
su wie en Mann für dä Panz,
wenn du Löwin sinn darfs,
dann jisste dich janz.
Do bess neujierich, selfssüchtig
wie e klei' Kind.
Jäje'm Lot sing Frau möhts du
e Salzbergwerk sinn.

Anna, Anna drieh dich nit öm

Moondaachs besste ne Friedhoff,
Dienstaachs besste ne Puff
Mettwochs dräumste dich fruh,
Daachsdrop stirvste em Suff
Friedaachs isste kei' Fleisch,
Sabbat ärbeidste nie,
do sparste Power für Sonndaachs,
Annamarie.

Anna, Anna drieh dich nit öm

Du häss mich gründlich bedient
met dinger Schizzophrenie,
dämm ewje Hin un Her.
Ich pack et nit mieh.
Vun dänne Austausch-Jeseechter
hässte zovill.
Du mähß mich bestuss,
hühr op met dämm Spill.

Anna, Anna drieh dich nit öm
Anna, Anna drieh dich nit öm